杀手 粤语版剧情简介
<p>TVB 新劇《殺手》由兩大視帝擔任男主角，分別係黎耀祥及陳豪，故名思義二人當然係飾演殺手，祥仔親自介紹今次自己角色：「我係一個好Fit嘅殺手，不過係20年前，家道中落，所以有一個肚腩喺到。」其實今日（7日）公佈一眾演員造型，好多演員都相當突出，二人又點睇自己呢一身造型？陳豪表示：「就係要咁樣，女性要耀眼，令到大家眼前一亮，會令到我哋有睇佢哋興趣，而我哋就係核心，負責中和大家。」視帝雙雙出現，難免有鬥戲呢個情況出玩，祥仔笑言呢一點係必須嘅，陳豪指大家殺手嚟嘛，「自己幾鍾意呢一部劇，因為劇中會解構殺手係啲乜呢？唔只殺人，譬如有合約呀，邊個搵佢殺人，殺手同殺手之間又唔可以報仇，講好多殺手嘅事。」祥仔好認同陳豪講嘅說話，祥仔直言：「其實比較現實，大家都好人性，唔會再係以前嘅殺手，好浪漫化好假咁，我哋都要面對生活，大家都要搵食，現實要點掩飾。」二人近年轉移重心北上發展，香港劇集中甚少見二人出現，問到係咪香港劇集減產，一年拍一部？祥仔先回應：「其實唔係㗎，都冇特別去分，邊到有工作就做，咁香港我哋唔會離家，始終自己香港人，香港演員，我覺得戲喺地道文化好緊要，香港人拍香港戲俾大家睇，呢一樣始終離唔開。」陳豪指身為演員邊到有戲就會拍攝，所有事都係一種機會。</p>
皮皮虎影视为您提供了包括最新电影排行榜，还同时提供了电视剧排行榜电影电视剧以及动画综艺节目的在线观看服务。希望您能喜欢并能收藏我们的网址https://www.pphu.com
- 除了"杀手 粤语版"你也可能喜欢以下影片：
- 同主演
- 同导演
